Hasierako egunean gaia lantzean, interneta, hardware
eta softwarea hartu genituen garrantzitsutzat. Hauek maneiatzeko gai izateari
eta ezagutzeari garrantzia emanez.
Hortaz gain, beste hainbat puntu ere landu beharrekoak
zirela ikusi genuen, horien artean; gu, irakasle izango garen aldetik
informatzea eta gaiaren inguruan hausnartzea, horrela iritzi bat osa dezagun. Beste
aldetik, umeekin ariketak landu eta jorratuko ditugunez, ariketa horiek
umeengan zein eragin eta ondorio sortzen dituzten jakitea hezkuntza prozesuan
baliagarria dela iruditu zitzaigun. Azkenik, umeei internet mundu zabala dela
eta onurak dauzkan moduan galerak edo alde txarrak ere badituela ikustarazteari
garrantzia eman genion.
Internetaren alde onak eta txarrak erakusteari lotuta,
Polo Celoten Un viaje a la alfabetización
mediática bideoa aipatu nahiko
genuke.
Bideo honetan kritikotasunez jokatzeari eta interneten
zentzudun izateari ematen dion garrantzia gustatu zaigu. Gainera, oso egokia
iruditu zaigu hau azaltzeko erabiltzen duen metafora.
Nahiz eta hasiera batean oso argi genituen irakasle
baten formakuntzarako ideiak, gaia landu ondoren ikuspegi zabalago bat daukagu
eta hobeto ulertu dugu arlo bakoitza. Ondorio nagusi bat atera behako bagenu
konpetentzia digitalen inguruan, teknologiaren etengabeko aldaketa aipatuko
genuke eta horrek berarekin dakarren ondorio nagusiari emango genioke
garrantzia, hau da, gu ere teknologiara moldatzen joan beharko garela eta
berrikuntzen inguruan informazioa jarraiki eskuratzen egon beharko dugula.
No hay comentarios:
Publicar un comentario