ERREALITATE ALDAKORRERAKO TREBEZIAK

Zeintzuk dira gaur egungo errealitate aldakorrean era egokian aritzeko behar ditugun trebeziak? Lan munduan, gizartean, etab.

Gure gizartea etengabe aldatzen ari da, Baumanek gizarte likido modura deskribatu zuen hau. Gizartea aldatzen doan moduan,  haurrak ere aldatzen doaz eta gaur egungo umeak ez dira gaur egungo helduak izan ziren umeen berberak. Horregatik, umeek jasotzen duten hezkuntza ere aldatu egin behar da, ezin baitzaie garai ezberdinetan bizi diren umeei hezkuntza berdina eman.

Gizartea aldatzeak, lan munduaren arloan ere aldaketak ekarri ditu, eta lehenago kontuan izango ez genituen gauza batzuk, gaur egun kontuan hartuko ditugu. Azken urteetan, garrantzi berezia hartu du modu kooperatiboan, lankidetzan eta elkarlanean lan egiteak.

Gizarteak berritzen doaz, eta teknologiak ere berritu egin dira, eta horrela, guk ere emozio eta sentipen berriak jasotzen ditugu. Gaur egun hezten ari garen umeak eta hurrengo urteetan heziko ditugunak oraindik ezagutzen ez ditugun lan mundu batera hezten ari gara, oraindik ezagutzen ez ditugun lanbideetara. Horregatik, oso garrantzitsua da umeei emozioak ezagutzen eta kontrolatzen laguntzea, baita, etengabeko aldaketak dituen gizartean nola bizi erakustea.

Gainera, berritasunak etorriko direnez, umeak heltzen joango dira, baina berripenek hor jarraituko dute, horregatik, ume ez direnean ere egoera horietara moldatzeko gogoa eta bertatik ikasteko gogoa izatera prestatu beharko genituzke.

Azkenik, irakaslearen rola aldatu egingo dela aipatu nahiko genuke. Irakasleak umeei zer ikasi behar duten esan beharrean, gauza oro azaldu beharrean, irakaslea ikasleen ikaste prozesuko gida,  kidea, laguna… izan beharko da, beraien kontura indibidualki zein taldean ikas dezaten ahalbidetuko duena.